Loading...
समचार

रिक्सामा छुटेको सात लाख ४० हजार रुपैयाँ सहित फिर्ता

रिक्सामा छुटेको सात लाख

नेपालगञ्ज उपमहानगरपालिका १४ निवासी रिक्साचालक देवराज बर्माले रिक्सामा छुटेको सात लाख ४० हजार रुपैयाँ सहितको झोला सम्बन्धित व्यक्तिलाई फिर्ता दिए ।

भारतबाट घर फर्कने क्रममा सोमबार घोराही उपमहानगरपालिका ५ धर्ना दाङ निवासी दत्तबहादुर नाथको रिक्सामा छुटेको रकमसहितको झोला बर्माले मङ्गलबार जिल्ला प्रहरी कार्यालमा पुगेर फिर्ता गरेको बाँकेका प्रहरी उपरीक्षक ओमबहादुर रानाले जानकारी दिए ।

उनका अनुसार रिक्सामा झोला छुटेको जानकारी पाएलगत्तै नाथले सोमबार नै जिल्ला प्रहरी कार्यालय बाँकेमा जानकारी दिए । पैसा सहितको झोला हराएको खबर पाएको प्रहरीले सडकमा राखिएको सिसी क्यामेराको मद्दतले नाथ चढेको भे १ ह ५०१९ नंको अटोरिक्सा पहिचान गरी चालकलाई खबर गरेपछि रकम फिर्ता भएको थियो ।

रिक्साचालक बर्मालाई प्रहरीले सम्पर्क गरी रकम सहितको झोला मगाएको थिए । झोला बोकेर प्रहरी कार्यालय पुगेका बर्माले प्रहरीको रोहवरमा सम्बन्धित व्यक्तिलाई झोला फिर्ता गरे, प्रविधिको प्रयोगबाट नगद सहितको झोला हराएको केही बेरमै फेला पार्न प्रहरी सफल भएको प्रहरी उपरीक्षक रानाले बताए ।

Leave a Reply

Your email address will not be published. Required fields are marked *